Prej më shumë se një ore parlamenti shqiptar ndodhet në një kaos.
Opozita ka bllokuar foltoren pas mos lejimit nga kryeparlamentari Gramoz Ruçi të kreut të grupit të PD-së, Edmond Spaho që të diskutonte për ekstradimin e Nazerit jashtë rendit të ditës.
Parlamenti në kaos; Ruçi përjashton Spahon, opozita pushton foltoren
Më pas opozita ka bllokuar foltoren dhe Ruçi ka përjashtuar nga seanca deputetin Spaho.
Spaho nuk u largua dhe deputetët e PD-së pushtuan foltoren duke thirrur: “Hajdut, kriminel”.
Basha dhe grupi i PD nuk e pranuan duke u ngritur në këmbë dhe bllokuar foltoren.
Lideri i PD iu drejtua Ruçit me fjalët ‘Hajdut dhe kriminel’, ndërsa kryetari i Kuvendit iu përgjigjur; Halabak, mos prek punonjësit e Kuvendit’.
Pas 5 minutave pushim, seanca rifilloi, por opozita nuk u largua nga foltorja duke e mbajtur të bllokuar.
Pas paralajmërimeve, Ruçi vendosi përjashtimin e Spahos nga seanca dhe heqjen e pagës për ditën e punës.
Në rifillimin e seancës për herë të dytë, opozita vijoi që të bllokonte punimet e Kuvendit, ndërsa kryetari Gramoz Ruçi kërkoi nga shërbimet e institucionet, garda, që të nxjerrë jashtë kryetarin e grupit të PD.
Ylli Pata
01.02.2018
