Zbulohet raporti i Dhomës së Lordëve të Britanisë së Madhe, kundër BE-së për të bllokuar procesin për anëtarësimin të Ballkanit.
Situata e Ballkanit dhe ngecja dhe tejzgjatja për anëtarësimin e shteteve të këtij rajoni të brishtë, ka enë motivi.
Ballkani, i cilësuar dikur si “fuçi baruti” ka qenë tema e diskutimit. Është zhvilluar ndërmjet përfaqësuesve së Dhomës së Lordëve në Mbretërinë e Bashkuar. Ka qenë pikërisht komisoni për Marrëdhëniet Ndërkombëtare i Dhomës së Lartë të Parlamentit Britanik, promotori “akuzues”. Ai ka publikuar këto ditë një raport me titull: “Mbretëria e Bashkuar dhe e ardhmja e Ballkanit Përendimor”. I tejzgjatur ky proces. Lodhja shihet si një rrezik për stabilitetin e Ballkanit. Ai gjendet nën monitorimin e Ariut të Bardhë (Rusisë). Por gjendet edhe nën ndikime të tjera, si Kina apo Turqia.
“Është shqetësuese se mbështetja për anëtarësimin në BE në Ballkanin Perëndimor është dobësuar. Deklaratat e figurave të larta në BE, si Presidenti i Komisionit që shtyjnë pranimin, nuk janë të dobishme. Kjo nuk është në interesat e Mbretërisë së Bashkuar. Anëtarësimi në BE është rruga më e besueshme për vendet e Ballkanit Perëndimor. Kjo, për të arritur sigurinë, stabilitetin dhe prosperitetin. Mbretëria e Bashkuar, pas Brexit duhet të vazhdojë me gjithë zemër, për të mbështetur ambiciet e pranimit të vendeve të Ballkanit Perëndimor”.
Kështu thuhet në pikën 60 të këtij raporti.
Britania e Madhe është jashtë BE-së.
Tashmë e pagëzuar me emrin “BREXIT”, ky shtet duket se nuk heq dorë nga roli dhe vendimet që BE-ja do të marrë për Ballkanin. Të gjithë po presim me padurim, për të marrë një dritë jeshile nga KE-ja.
“Mbretëria e Bashkuar mbetet e mirëpozicionuar, për të promovuar vlerat dhe standardet institucionale. Këtë e kërkon anëtarësimi në BE. Kjo duhet të bëhet në bashkëpunim me BE-në dhe në mënyrë bilaterale. Qeveria nuk duhet të lejojë që largimi nga BE të paraqitet si refuzim i këtyre vlerave dhe standardeve. Është e rëndësishme që Britania e Madhe dhe BE-ja të mos të lejojnë më zvarritje. Pse të luhet kundër njëri-tjetrit nga aktorët lokalë, që kanë axhenda të ndryshme nga kjo e jona?”, thuhet më tej në rezolutë.
Në këtë dokument theksohet gjithashtu se “Megjithatë, ka shqetësime të mëdha. Arritjet drejt qeverisjes së mirë dhe sundimit të ligjit, kërcënohen të humben. Kjo, derisa vendet e rajonit po rrëshqasin drejt udhëheqjeve autoritare, politikave nacionaliste dhe ‘kapjes’ së shtetit. Kjo po përkeqësohet nga një mosgatishmëri nga ana e komunitetit ndërkombëtar. Një ndër objektivat për të sfiduar këto tendenca edhe nga krimi i organizuar dhe korrupsioni endemik në rajon”.
Edhe pse jashtë Unionit, Britania mbetet një shtet kampion për aderimet e reja.
Pikërisht kjo shprehje në rezolutë e miratuar duket se krijon një përplasje jo të vogël me presidentin e Komisionit Europian, Jean Claude Junker. Ai në një intervistë fundit dhënë për Deutsche Welle, bëri të qartë se deri në vitin 2019, nuk do të ketë vendime të rëndësishme për zgjerimin.
“Vendet e Ballkanit Perëndimor meritojnë që të kenë një perspektivë për anëtarësim në BE. Kjo nuk do të ndodhë gjatë kohës sa jam unë president i Komisionit Evropian. Por tani duhet të vihen piketat. Ndërsa këto vende duhet të bëjnë reformat e duhura dhe sa më parë”, tha Junker në intervistën e tij.
Kjo ‘bllokadë’ po kundërshtohet dhe nga Bullgaria, shteti që ka presidencën e radhës së BE-së. Qeveria bullgare ka parashikuar një samit të vendeve të Ballkanit Përendimor më 17 maj të këtij viti. Vetë Britania e Madhe do të jetë organizatorja e takimit të pestë të shteteve të përfshira në procesin e Berlinit. Një takim i tillë, i nisur që në vitin 2014 nga Gjermania, tregon se ajo mbetet e vendosur për të ndihmuar shtetet e Ballkanit Përendimor për t’u anëtarësuar në BE. Kështu ajo sikur është duke “shlyer” edhe gabimet e konferencës së Ambasadorëve në Londrës në vitin 1913.
Për Lajm-Shqip
Ylli Pata
12.01.2018
