Pagesat e prapambetura, 200 protestues i kërkojnë Kryeministrit 6 milion eurot
Pagesat e prapambetura
Ka nisur protesta e firmave të ndërtimit, lajmëruar një ditë më parë në Fier.
Ata i kërkojnë kreut të qeverisë, jo pak, por 6 milion euro.
Janë rreth 200 punonjës dhe drejtues të firmave nënkontraktore, të cilët kanë nisur protestën.
Ata kërkojnë në total shumën e papaguar prej 6 milion eurosh për punën e kryer, në akse rrugësh në ndërtim e sipër në Qarkun e Fierit dhe të Vlorës.
Protesta po zhvillohet në Pus-Mezinë Vlorë, aty ku firma falimentuese ka grumbulluar një pjesë të makinerive.
Realisht është një e drejtë e tyre, por këto janë firma dytësore, që kanë marrë përsipër të kryejnë punë nga firma, që kanë fituar tendera rrugësh.
Janë këto të fundit, që ndoshta edhe kanë falimentuar dhe nuk kanë mundur të paguajnë nënkontraktuesit.
Ligjërisht, është firma fituese ajo që duhet të shlyejë nënkontraktorët dhe jo shteti.
Sidoqoftë, ata i kërkojnë shtetit këtë shumë të papaguar.
Protesta mund të zgjasë deri në gjetjen e një zgjidhjeje të pranueshme nga të dyja palët.
Për Lajm Shqip
Vladimir Muçaj
