Paçavure drejtësi, paçaure reformë…Gjykata e Apelit Administrativ, në Tiranë, mori një vendim. Ky , për të pezulluar punën për ndërtimin e dy HEC-eve në Valbonë.
Paçavure drejtësi, paçaure reformë…
Vendimi nuk u zbatua dot nga Agjensia Përmbarimore. Se “ashtu ishte një punë” në Tropojë. Pastaj vjen Gjykata e Tropjës. Ajo merr një vendim, që e pezullon ekzekutimin e vendimit të Gjykatës së Apelit. Pas zhurmës së bërë, del që një gjykatë e shkallës së parë rrëzon vendimin e një gjykate të shkallës së dytë. Për të shuar jehonën e këtij vendimi, Gjykata e Tropojës bëri një sqarim. – “Gjatë javës së fundit, në media është hedhur për konsum një lajm. Ky, se Gjykata e Tropojës ka rrëzuar një vendim të Gjykatës së Apelit…. Sipas vendimit në fjalë, Gjykata e Tropojes ka vendosur të ndalojë veprimet përmbarimore. Kjo, në lidhje me hidrocentralet e “Dragobia 2” në Tropojë”.
Aha, nuk është se Gjykata e Tropojës ka hedhur poshtë vendimin e Gjykatës Administrative. Ajo thjeshtë, ka ndaluar ekzekutimin e vendimit nga zyra përmbarimore. Dmth, vendimi është në fuqi, por nuk do të zbatohet. Kështu, edhe gjykata është në rregull. Edhe pronari, që ndërton hidrocentralet është në rregull. Vetëm parku i Valbonës po e ha. Po bjerini, mos merrni parasysh asgjë! Mos pyesni as për ligj e as për Zot! As për Atdhe e as për Valbonë! P.S: Derisa e kaloi vettingun edhe gjykatësi Artur Malaj !!! Në komunitetin e drejtësisë e përdorin si njësinë matëse të korrupsionit! Ju të Tropojës do të shpalleni edhe qytetarë nderi për këtë që keni bërë.
Mentor Kikia
07.08.2018
