Operatori i Shpërndarjes së Energjisë Elektrike ka hartuar një një plan masash për mbarëvajtjen e furnizimit me energji elektrike gjatë ditëve të festave.
Sipas udhëzimit të Administratorit të OSHEE, z. Adrian Çela, për sigurimin e furnizimit me energji elektrike gjatë ditëve të festave janë angazhuar në terren 1500 punonjës nga 11 drejtoritë rajonale të OSHEE.
Gjatë daljes për mediat, Administratori i OSHEE u shpreh se strukturat e kompanisë do të zbatojnë planin e masave që aplikohet në cdo periudhë kur pritet fluks ngarkese në rrjet, siç është sezoni veror.
Gjithashtu,OSHEE ka publikuar për konsumatorët edhe numrat e kontaktit në bazë rajonesh, të cilat janë në shërbim 24 orë, te http://oshee. al/kontakt/. Gjithashtu, për të gjithë territorin qëndron në funksion numri unik call center Call Center i 042274141.
Elona Tereziu
26.12.2018
