Dy krerë të lartë të PD-së kanë publikuar një dosje ku akuzohet familjarisht Fatmir Xhafaj. Opozita gozhdon Fatmir Xhafajn: Ja cilat janë 7 pyetjet për Ministrin e Brendshëm.
Sot opozita gozhdon Fatmir Xhafajn: Ja 7 pyetjet për Ministrin e Brendshëm.
Enkelejd Alibeaj dhe ish-ministri i Drejtësisë Gazmend Bardhi kanë akuzuar rëndë Xhafajn. Sipas tyre vëllai i ministrit është i dënuar në Itali për trafik droge. PD i ka drejtuar Fatmir Xhafajt 7 pyetje që po i publikojmë më poshtë: Pyetjet e PD per Xhafajn:
1. A e ka përfshirë Fatmir Xhafaj vëllain e tij, Agron Xhafaj në listën e personave me rekorde kriminale?
2. Pse ai jeton i lirë në territorin shqiptar, ndërkohë që rezulton i dënuar për trafik droge në Itali dhe nuk ka vuajtur asnjë ditë të dënimit të tij?
3. A është ai person i skeduar dhe nën vëzhgim nga Policia e Shtetit për shkak të aktivitetit të tij të mëparshëm në trafikun e drogës?
4. A është familja “Xhafaj” një nga familjet mafioze që veprojnë në territorin e Republikës së Shqipërisë?
5. A ka operacioni “Forca e Ligjit” efekt mbi vëllain e Ministrit të Brendshëm Agron Xhafaj, të dënuar për trafik droge, apo ai është i paprekshëm. Sa kohë Ministër i Brendshëm dhe drejtues i operacionit është Fatmir Xhafaj?
6. Pse nuk ka përmbushur përgjegjësitë e tij ligjore Ministri i Brendshëm për të kërkuar identifikimin e këtij shtetasi dhe për të verifikuar nëse është apo jo i dënuar?
7. Pse nuk ka kërkuar nisjen e procedurave për arrestimin dhe më pas ekstradimin e tij në Itali. Siç ka vepruar për shtetas të tjerë?
Për Lajm-Shqip
Ylli Pata
