Policia godet një grup prej 4 personash. Ata kryenin vjedhje banesash në Fier. Finalizohet operacioni policor i koduar “Brava”. Kapen dhe arrestohen në flagrancë nga policia 4 autorët e dyshuar të cilët kryen vjedhje të banesave me mekanizmin e thyerjes së bravave. Sekuestrohen në cilësinë e provës matariale disa prej sendeve të vjedhura dhe sendet me të cilat kryenin vjedhjet. Ja emrat e të arrestuarëve: Emanuel Doda, 23 vjeç, banues në Vlorë. Lediona Preçi, 21 vjeçe, banuese në Vlorë. Bledar Skënderaj, 24 vjeç, banues në Vlorë. Klaustin Zeneli, 22 vjeç, banues në Vlorë.
Operacioni policor “Brava” në Fier arreston katër vlonjatë për..
Këta shtetas në bashkëpunim me njëri tjetrin kryenin vjedhje banesash me thyerje në qytetin e Fierit, duke thyer bravat e dyerve të banesave që vidhnin. Konkretisht, gjatë orëve të natës së datës 23.10.2018 këta shtetas janë kapur me sende të vjedhura në banesat e shtetasve P.Th dhe O.T në lagjen “15 Tetori” Fier . Po vijon puna për zbardhjen dhe dokumentimin e ngjarjeve të tjera të mëparshme në qytetin e Fierit. Dyshohet se autorë janë këta shtetas. Gjithashtu, këta shtetas dyshohet se kanë kryer vjedhje banesash edhe ne qytetin e Vlorës. Për dokumentimin e të cilave po punohet me Specialistët e Hetimit të Krimit në Komisariatin e Policisë Vlorë. Materialet i kaluan Prokurorisë pranë Gjykatës së Shkallës së Parë Fier për hetime të mëtejshme në ngarkim të shtetasve të mësipërm. Për veprën penale “Vjedhje” e kryer në bashkëpunim.
Vladimir Muçaj
24.10.2018