Lojtari i Nigerisë John Obi Mikel ishte i bindur se do ta mposhte Messin. Por fituesi i Topit të Artë pesë herë ia doli që të nxirrte Argjentinën fituese në këtë garë duke arritur që të kalojë grupin.
Marco Rojo ishte ai që shënoi në momentin më decisiv të takimit, atëherë kur Argjentinës i duhej me të vërtetë goli. Mikel është ndeshur me Messi-n për herë të parë në vitin 2005 kur Argjentina mundi 2-1 Nigerinë falë dy penalltive të shënuara nga ylli i Barcelonës në finale të Kupës së Botës U-20.
Gjatë 2010 dhe 2014 në Kupën e Botës qe Argjentina ajo që doli sërish fituese.
Obi Mikel i trishtuar: Doja ta mposhtja këtë herë Messi-n…
Obi Mikel mezi e kishte pritur momentin që ta fitonte ai këtë duel, por nuk arriti t’ia dilte.
“Jam i pikëlluar sepse mendoja se kishte ardhur momenti për ta fituar një ndeshje ndaj tij”, tha Mikel.
Për lajm-shqip:
Klajdi Thaçi
27.06.2018
