Shkolla 9-vjeçare e fshatit Ngraçie në Mallakastër nuk e ka nisur procesin mësimor këtë vit.
Të vetëdijshëm për problematikat, prindërit nuk e kundërshtuan vendimin, por këtë të hënë ata zbritën në protestë për problematikat me transportin e fëmijëve.
Shkak për këtë është bërë mbyllja e saj, ndërsa 16 nxënës nga klasa e parë deri në klasën e nëntë detyrohen të udhëtojnë me shpenzimet e tyre rreth 7 km larg për të frekuentuar shkollën ne fshatit Visokë.
Nxënës e prindër protestë në Mallakastër për mbylljen e shkollës 9-vjeçare
Prindërit e 16 nxënësve i kane protestuar sot para zyrës arsimore në Mallakastër.
“Nuk jemi kundër mbylljes së shkollës por të zgjidhet transporti. Orën e parë nxënësit nuk e kanë kapur asnjëherë”, thonë prindërit
Për kreun e zyrës arsimore Mallakastër Fiqirete Malaj, fondi i ministrisë së Arsimit që është vendosur në dispozicion për transportin e nxënësve është i pamjaftueshme, ndaj është kërkuar ndihma e Bashkisë për të akorduar një fond shtesë.
Bashkia Mallakastër me anë të një vendimi të këshillit bashkiak në datën 20 tetor ka akorduar një fond prej 700 lekësh për fëmijë duke ju bashkangjitur tarifës se pare.
Edhe pse është vendosur një tarifë e tillë, sërish prindërit janë të pakënaqur, pasi sipas tyre kjo nuk i jep zgjidhje situatës.
“Kompania ka ardhur dhe ka thënë se do të zgjidhet më 1 nëntor”.
Në pritje të zgjidhjes nga institucionet, prindërve të fshatit Ngraçie u duhet ti dërgojnë vetë fëmijët në shkollën e Visokës, ose të varen nga mësuesit që sipas rastit i marrin në makinat private.
Sara Mustafa
29.10.2018
Të ngjashme mund të lexoni:
