Krim e ndëshkim, nisin 16 ditët e aktivizimit kundër dhunës ndaj gruas.
A ka dritë në fund të tunelit për ato që pësojnë ccdo ditë dhunë nga njerëzit e afërt?
Dhjetë gra humbën jetën këtë vit nga dora e bashkëshortëve dhe ish-partnerëve të tyre në vend. Rasti më i fundit u shënua në Karpen të Kavajës, ku Sosja, nënë e 5 fëmijëve, u vra me thikë nga burri i saj. Këtyre rasteve tragjike u shtohen dhe qindra kërkesa që rregjistrohen pothuajse çdo muaj për urdhra mbrojtjeje në gjykatat e vendit.
Në këtë situatë të rënduar u çelën nga Durrësi 16 ditët e aktivizimit kundër dhunës ndaj grave “Grise Maskën, Fol!”.
Ogerta Manastirliu, Ministrja e Shëndetësisë dhe Mbrojtjes Sociale:
Është koha të bëhemi bashkë dhe t’i themi Ndal! Këtij fenomeni të papranueshëm e të patolerueshëm e që bie ndesh me vlerat e shoqërive të civilizuara. Dhjetw gra, bashkëshorte, nëna kanë humbur jetën. Nga viti në vit rastet e denoncimit të dhunës ndaj grave dhe kërkesat për urdhër mbrojtjeje janë rritur nga viti në vit.
Ministrja e Shëndetësisë dhe Mbrojtjes Sociale Manastirliu premtoi ashpërsim të bazës ligjore mbi dënimet ndaj autorëve dhe marrjen e masave për zbatimin e politikave dhe programve mbështetëse në mbrojtjen e grave dhe aksesin e tyre në të drejtat ekonomike, politike dhe shoqërore.
Fabiola Egro, aktiviste e të drejtave të gruas në vend ftoi këdo që ndodhet në situatë dhune të mos heshtë, po ta denoncojë dhunën që pëson për të vënë në lëvizje mekanizmat mbrojtës dhe mos pasur të tjera histori si ajo Fildesit, Dijes, Soses, Limes e shumë të tjera që nuk janë më.
Përcjellja e shembujve pozitivë të viktimave të kësaj dhune që ia kanë dalë mbanë të shkëputen nga dhuna dhe riintegrohen në shoqëri është pjesë e kësaj fushate aktivizimi, duke i konsideruar rastet positive një dritë në tunelin e errët që përjetojnë ato që vuajnë çdo ditë nën dhunë.
Për Lajm-Shqip
V.Q
V.Q
