Një prej vrasjeve më të bujshme në Shqipëri ishte ajo e drejtuesit të policisë Ilir Ngresi i cili u vra 17 vite më parë.
Komisar Ilir Ngresi vritet në 30 dhjetor 2000 në Vlorë nga Dritan Zhuk. I vrarë në vitin 2001 pas një rrethimi nga policia.
Vrasja e Ngresit kishte lidhje me hapjen e dosjeve të krimeve të ndodhura në Berat gjatë viteve 1997-1998 dhe me vrasjen e Ilir Jaupajt, vëllait të të fortit të Urës Vajgurore, Kastriot Jaupaj.
Disa ditë përpara 17 vjetorit ,Sokoli ,vëllai i tij që është gjykatës në Gjykatën e apelit në Vlorë sjell disa kujtime për të në një status në facebook.
Statusi i Plotë
Një mëngjes fëmijët pyesin nënën e tyre: “Mami çfare është një polic?”
Pa hezitim, nëna thotë: “është njeriu që nuk ka orar pune, është ai që nuk ka Krishtlindje, është njeriu që nuk ka një vit të ri. Ai i cili nuk e ka festuar ditëlindjet apo pushimet. Personi që nuk ka verë apo dimër.
Eshtë njeriu që nuk mund t’i përqafojë të dashurit e tij gjatë kohëve të vështira.
Për të, të gjitha ditët janë të njëjta; është si flamuri kombëtar që lahet me shiun dhe thahet me diellin. Eshtë ai që nuk i sheh dhe gëzon fëmijët e tij teksa ata rriten dhe nuk e sheh kalimin e viteve tuaja; është ai që ka si një mik errësirë. Ai që fle më pak diten e natës dhe yjet me të cilat qan hallet dhe problemet e jetes dhe me netët e ftohta, ndan mendimet e tij. Eshtë ai që nuk mund te përgjigjet për familjen e tij, sepse ai ka për t’u kujdesur për t kushdo tjetër në rrjedhën e jetës së tij dhe e di se do të vdesë më para se të tjerët.
I lodhur dhe me pak miq, por të vërtetë.
Është ai që, kur është e nevojshme, kthehet në mjek, psikolog, mekanik dhe vepron si udhërrëfyes në dritën e trafikut të të tjerëve.
Ai që brengat dhe mendimet nuk mund t’i shprehe, sepse ajo që duhet të tregojë jashtë, është forcë për të tjerët. Është ai që tregon fotografinë tuaj dhe me krenari thotë se këta janë fëmijët e mi! Dhe kur askush nuk e sheh, struket në mendimet e tij, përqafon atë foto dhe qan “.
Pastaj nëna, me lot në sytë e saj, përqafon fëmijët dhe thotë: “Për këtë ne do të gëzojmë dhe festojmë të vetëm këtë ditë. Por duke qenë krenar. Sepse … babai juaj është një polic!”
Për Lajm-shqip
Enrik Mehmeti
