Një 12- vjeçare i ka dhënë fund jetës në rrethana ende të paqarta duke pirë fostoksinë. E mitura Klevina Ndoka, nga Vau Dejës është gjetur nga familjarët e saj në banesë në gjendje të rëndë. Ata e kanë dërguar me urgjencë në spitalin rajonal të Shkodrës, por pas pak orësh 12 vjeçarja u nda nga jeta. Policia ka nisur hetimet për ngjarjen e rëndë, por ende nuk ka një pistë konkrete për shkakun që e çoi fëmijën ti japë fund jetës një ditë para 1 qershorit, festës së fëmijëve.
Ngjarje e rëndë, 12-vjeçarja nga Vau Dejës i jep fund jetës me fotoksinë
Gjatë pubertitetit raporti i fëmijëve me prindërit ndryshon. Shpesh vajzat dhe djemtë, mendojnë se prindërit janë të padurueshëm, të mërzitshëm dhe të vjetëruar. Po kështu edhe prindërit i shohin fëmijët e tyre fyes apo të paedukatë dhe gjithmonë të nxehur. Kështu edhe konfliktet ndonjëherë janë të pashmangshme, por zgjidhja më e mirë është që prindërit t’i mbajnë afër fëmijët e tyre dhe të komunikojnë në lidhje me çdo gjë që mund ti shqetësojë.
Paraprakisht dyshohet se shkak është bërë një debat i saj me prindërit, por nuk përjashtohen as pista të tjera të cilat janë duke u hetuar. Klevina ishte një nxënëse e shkëlqyer në shkollën 9-vjeçare “Dom Luçian Avgustini” në Vau Dejës.
Mësuesi i saj kujdestar Jak Hila 10-tat në mësime dhe një kujtim pak para se të ndodhte ngjarja ku nxënësja e tij kishte shkruar në bankë emrin e saj shoqëruar me një zemër të vizatuar.
“Ajo kishte vetëm 10-ta në shkollë. Shumë e shoqërueshme me nxënësit e tjerë dhe të gjithë ne. Nuk kam vërejtur ndryshim të sjelljes tek ajo. Kam pyetur edhe mësuesit e tjerë dhe s’kanë vërejtur ndryshim në sjellje. Pasi u nda nga jeta kam parë në bankën e saj emrin që e kishte shkruar vetë dhe një zemër të vizatuar. Do ta ruaj si kujtim”, është shprehur mësuesi Jak Hila.
Klevina kishte shumë pasione dhe një prej tyre ishte sporti. Për një vit me radhë ishte pjesë e ekipit të futbollit të femrave “Juban Danja”. Presidenti i këtij klubi Ferdinand Jaku është i tronditur nga ngjarja.
“Kishte 3-4 muaj që u shkëput. nga ekipi për arsye që nuk i di. Unë do thoja se mungesa e mjediseve për argëtimin e fëmijëve është një problem dhe këtu fajësoj institucionet. Po ashtu bëj thirrje për prindërit që të jenë më afër fëmijëve të tyre”, u shpreh ai.
Për lajm-shqip:
Jorida Fataj
03.06.2018
