Nga se frymëzohen përdoruesit më të shpeshtë të drograve?…Marihuana (ose kanabis) i referohet disa përgatitjeve të bimës Konop (Kanabis). Ato bëhen për tu përdorur si droga psikoaktive dhe për arsye mjekësore. Marihuana është forma herebrale e kanabisit, dhe përbëhet nga lulet, gjethet, dhe kërcellet e bimëve femërore. Marihuana ka efekte psikoaktive dhe fiziologjike kur konsumohet. Efektet më të shpeshta afat-shkurtra fizike dhe neurologjike përfshijnë rrahje më të shpeshta të zemrës, presion të ulur të gjakut. Por cila është arsyeja e përdorimit në masë të këtyre drograve? Pa dyshim që presioni i shoqërisë, dhe në këtë pikë të rinjtë janë veçanërisht të dobët.
Nga se frymëzohen përdoruesit më të shpeshtë të drograve?
Veç kësaj, ata gjenden para shembullit të idhujve të tyre të botës së zbavitjes, të cilët ushtrojnë ndikim të fuqishëm tek fansat e tyre të rinj në moshë. Abuzimi me drogën ka pushtuar sidomos fushën e zbavitjes. Artistët më të mëdhenj në botën e muzikës shpesh fillojnë të marrin droga të forta në njëfarë pike të karrierës së tyre. Shumë yje të kinematografisë, po ashtu, përdorin rregullisht drogë. Artistët mund të bëjnë që drogat të ngjajnë aq magjepsëse dhe joshëse, sa të rinjve t’iu duket se nuk u bëjnë dot ballë. Në vitin 1996, revista Newsweek raportonte: “Rrugët e Siatëllit janë plot e përplot me të rinj që kanë ardhur këtu për t’u droguar me heroine. E gjitha kjo sepse vetëm e vetëm ngaqë këtë e bëri edhe këngëtari i muzikës rok Kobeini.” Nëpër revista, në filma dhe në television, bota e drogës paraqitet si magjepsëse. Gjithashtu, disa stilistë të shquar në botën e modës parapëlqejnë modele me pamje të dobët e të tretur, ngjashëm me atë të një të droguari.
Erjona Keta
21.10.2018
