Nevoja për reformim, skandale seksuale për çmimin Nobel
Akademia suedeze e Nobelit, që e ndan çmimin prestigjioz prej një shekulli ndjen nevojën e një reformimi. Një institucion serioz si Akademia e Nobelit, është pushtuar nga disa skandale që si duket nuk paskan anë e fund.
Mbase diçka e tillë ndodh për arsye se një çmim i tillë është i shumëkërkuar dhe i shumëlakmuar. Kësaj here është serioze pasi bëhet fjalë për korrupsion, shpërdorim pushteti dhe ngacmime seksuale.
Anëtarja e Akademisë, Katarina Frostenson dha dorëheqjen, duke iu dorëzuar presioneve që nisën pas vendimeve të saj për t’i dhënë subvencione Shoqatës Kulturore të të shoqit, Jean-Claude Arnault, i cili akuzohet nga ana tjetër edhe për ngacmime seksuale.
Po ky nuk është problemi i vetëm për institucionin e Akademisë suedeze të Nobelit. Dorëheqjen e paraqiti edhe vetë kryetarja e tij Sara Danius. Me njëmbëdhjetë anëtare që kanë mbetur, akademia e përbërë nga shkrimtarë, studiues të letërsisë e të gjuhësisë dhe historiane, nuk është më në gjendje të marrë vendime.
18 anëtarët e Akademisë zgjidhen për gjithë jetën e tyre, dhe në dokumentin bazë të saj nuk parashikohen masa për raste largimi vullnetar.
Nevoja për reformim, skandale seksuale për çmimin Nobel
Për lajm-shqip:
Jorida Fataj
