Ndonëse në rrethet diplomatike në Athinë dhe Tiranë mbizotëron entuziazmi i klimës së re pas takimeve në Kretë dhe Korçë, nuk mungojnë reagimet nga opozita greke.
Neodemokratët akuzojnë Kotzias për diplomaci sekrete me Shqipërinë.
Reagime negative vijnë më së shumti nga krerët e Demokracisë së Re, partia më e madhe opozitare në Greqi.
Neodemokratët e akuzojnë ministrin e jashtëm Nikos Kotzias se çështje të rëndësishme të politikës së jashtme i trajton me një logjikë fshehtësie dhe diplomacie sekrete.
Neodemokratët akuzojnë Kotzias për diplomaci sekrete me Shqipërinë
Kësisoj me kthimin në Athinë, Kotzias duhet ndër të tjera të përballet edhe me reagimet e partisë Demokracia e Re dhe ultranacionalistëve.
Mediat greke bëjnë të ditur se grupi parlamentar i Demokracisë së Re ka depozituar në kryesinë e parlamentit një kërkesë për interpelancë me ministrin Kotzias.
Në këtë seancë ata kërkojnë të informohet mbi bisedimet e Korçës dhe sidomos nëse në këto bisedime është diskutuar edhe për çështjen çame.
Engjëll Serjani
24.01.2018
