Moderatorja e njohur e emisionit ‘Diçka po zihet’ e cila është së fundmi edhe pjesë e jurisë së ‘Master Chef junior’ Xheraldina Vula, ka qenë ditën e sotme e ftuar në emisionin ‘Chaud Patate’ në Energy Radio, ku ka rrëfyer diçka më shumë për jetën e saj private. Siç dihet ajo është nëna e reperit të famshëm Ledri Vula dhe shpesh herë ata kanë treguar se janë shumë të lidhur me njëri-tjetrin dhe kanë një marrëdhënie të ngushtë. Ndërsa ishte duke folur për reperin e njohur, Xheraldina u pyet nga moderatorët se nëse kishte marrë ndonjëherë kërkesa për shkuesi për Ledrin.
Nëna e Ledrit: ‘Vijnë më kërkojnë dorën e djalit në shtëpi, por unë …
Ledri Vula është një këngëtar dhe autor këngësh shumë i njohur dhe muzika ku identifikohet më shumë është ajo hip-hop. Në karrierën muzikore ka realizuar bashkëpunime të shumta, shumica prej tyre jane edhe hite të njohura. I pëlqyer nga gjinia femrore dhe i cilësuar si Don Zhuan, është zgjedhur si mashkulli më bukurosh në showbiz-in shqiptar.
Të gjithë janë habitur teksa moderatorja ka pranuar se i kanë shkuar dhe i kanë kërkuar dorën e tij. “Mu kujtua dhe fytyra… (Qesh) Po natyrisht që ka, se edhe nënat, dhe unë do të doja që Ledri të ketë një vajzë të mirë. Po ka pasur raste të tilla, nuk kanë ardhur direkt, por normal unë e kam mbyll gojën se s’kam çfarë them. Nuk varet absolutisht dhe nga unë as prej saj se ndoshta ajo e ka dëshirën e saj por vajza nuk e ka. Mendoj se kanë qenë më shumë dëshira të së ëmës. E bija nëse do të donte do ta gjente një nga mënyrat e veta. Më vinte rëndë.”,- tha Xheraldina.
Për lajm-shqip:
Jorida Fataj
04.05.2018
