Ministri gjerman i shtetit Michael Roth ka deklaruar se Gjermania është kundër korrigjimit të kufirit mes Kosovës e Serbisë.
Në intervistën për Deutche Welle, ministri Roth tha se kjo mund të jetë e rrezikshme stabilitetin e rajonit.
Duke u ndaluar në rolin e Shqipërisë në Ballkan, ministri gjerman theksoi se pret nga vendi ynë të vazhdojë të angazhohet në mënyrë konstruktive për stabilitet në të gjithë rajonin.
‘Integriteti territorial i vendeve të Ballkanit Perëndimor është i rëndësishëm për ne. Përpjekja për zhvendosje kufijsh ka shkaktuar vuajtje të pafundme në të kaluarën. Prandaj, sipas meje, këto përsiatje, jo vetëm që nuk premtojnë shumë sukses, por janë edhe tejet të rrezikshme.
Çfarë na nevojitet, është një marrëveshje gjithëpërfshirëse, e cila i rregullon përfundimisht marrëdhëniet, i mundëson Serbisë dhe Kosovës të anëtarësohen në BE dhe i zgjidh me marrëveshje të gjitha çështjet teknike që janë ende të hapura.
Nga Shqipëria ne presim që kjo ta përdorë në mënyrë konstruktive ndikimin e saj politik dhe të vazhdojë të angazhohet në mënyrë konstruktive për stabilitet në të gjithë rajonin.
Kjo vlen veçanërisht për çështjet që kanë të bëjnë me normalizimin ndërmjet Kosovës dhe Serbisë.
Mund të jetë vetëm në interes të Shqipërisë, si pjesë e rajonit, që të parandalojë me çdo kusht një destabilizim të ri të Ballkanit Perëndimor, gjë që detyrimisht do të vijonte nga ndryshimi i kufijve.
Qëndrimi ynë është se një marrëveshje mes Kosovës dhe Serbisë duhet ta rrisë stabilitetin në të dyja vendet dhe në rajon.
Unë nuk shoh se si mund të arrihet kjo me ndryshime kufijsh. Përkundrazi, Ballkani Perëndimor nuk do të binte në qetësi.
Nga vendet fqinje dëgjoj vazhdimisht se ata janë të shqetësuar për këtë diskutim, sepse shohin rrezikun e efektit të dominosë.
Për proceset e anëtarësimit në BE kjo me siguri që nuk do të ishte aspak e dobishme.”, është shprehur ndër të tjera ministri Roth.
Elona Tereziu
07.02.2019
