Ndërron jetë në moshën 57 vjeçare krijuesi i Spongebob, serialit për fëmijë… Ndërron jetë pas një beteje të gjatë me sëmundjen neurodegjenerative ALS. Bëhet fjalë për 57 vjeçarin Stephen Hillenburg. Kanali Nickelodeon, i cili e ka transmetuar që në 1999 serialin tmerrësisht popullor të filmave për fëmijë, me në qendër personazhin aq të dashur prej tyre, vendosi që stafi i tij të mbante një minutë heshtje në nderim të jetës dhe punës së Hillenburgut. Steve e veshi krijimin e vet me një sens të rrallë humori dhe pafajësie që i solli gëzim e bëri të qeshin breza të tërë fëmijësh dhe familjesh.
Ndërron jetë në moshën 57 vjeçare krijuesi i Spongebob, serialit për fëmijë
Ylli i “baywatch’, David Hasselhoff, i cili interpretoi po një roje plazhi në filmin e 2004-tës, SpongeBob SquarePants, u shpreh thellësisht i tronditur nga kjo humbje. “Steve arriti të krijonte një personazh unik dhe vërtet të jashtëzakonshëm”, shkroi ai ne twitter. Hillenburg ishte bindshëm i talentuar, modest dhe njeri me zemër të madhe.Personazhet e tij origjinale do të mbeten për një kohë të gjatë kujtesë e vlerave të optimizmit, miqësisë dhe fuqisë së pafundme të imagjinatës, kanë shtuar ata. Stephen Hillenburg lindi më 21 gusht 1961 dhe vdiq Në 2018 brenda një viti që nga diagnostikimi i sëmundjes së tij.
Erjona Keta
29.11.2018
