Disa shtete në botë bëjnë plazh dhe çfarë plazhi në dhjetor.
Pavarësisht se dhjetori është muaj festiv dhe dëbora, i ftohti, filxhanët me çokollatë të shkrirë, oxhaku, etj. janë detaje të cilat e simbolizojnë këtë festë.
Teksa ju e keni pritur vitin e ri me pallto dhe xhupa, disa të tjerë kanë pasur fatin ta presin duke shijuar detin dhe festat në plazh.
Të ngjashme mund të lexoni:
Ja vendet që e kanë pritur 2018 në mënyrën më ekzotike të mundshme, në plazh.
1 – Dubai
Klima në Dubai është aq e nxehtë në dhjetor sa përveç një ndërrimi viti ndryshe, në janar turistët kthehen në vendet e tyre me një ngjyrë të bronxtë plazhi.
Sigurisht që ne i kemi shumë zili këta njerëz. Festat luksoze në Dubai janë vërtet argëtuese.
Disa preferojnë të festojnë në hollet e hoteleve luksoze me shampanjë dhe pije të shtrenjta.
Për ata që janë më shumë aventurierë ka edhe festa në plazh të cilat sigurisht të kujtojnë netët e verës.
2 – Brazil
Temperaturat e larta në dhjetor e bëjnë Brazilin destinacionin e preferuar të turistëve.
Festat e çmendura në Rio de Janeiro në plazhin e famshëm të Copacabana-s, fishekzjarre, alkool, kërcime dhe muzikë.
Kështu pritet viti i ri në Brazil.
3– Zelandë e Re
Australia është një tjetër vend që natën e ndërrimit të viteve e pret në plazhet e bukura që ofron.
Turistët janë të shumtë gjatë asaj periudhe, dhe fishekzjarret apo festat në plazh janë një traditë e vendit.
4– Bahamas
Festimet për vitin e ri në Bahamas nisin që prej datës 26 dhjetor.
Paradat e Junkanoo në plazh janë diçka që nuk do dëshironit ta humbisnit.
Festat janë të çmendura, ndërsa më 31 dhjetor turma të mëdha njerëzish zhvendosen në plazh për të pritur orën 12.
www.lajm-shqip.com
