Mustafaj: PD e ka hequr me statut përjashtimin nga partia
Besnik Mustafaj duke marrë rastin e kandidimit të Aleksandër Biberajt për kryetar të Partisë Demoktatike sjell në vëmendje atë që ka ndodhur me largimit dhe rikthimet në PD gjatë 20 viteve të fundit. Mustafaj thekson se, edhe në rastin e Biberajt, i cili është larguar nga PD nuk është e nevojshëm që ai të rianëtarësohet në parti.
“Dje shpreha posaçërisht për demokratet kënaqësinë time për përfshirjen e mundshme të Aleksandër Biberajt në garën për kryetar të PD. Shoh se ka më shumë se, 135 komente. I lexova të gjithë me vëmendje. Dua të ndalem me këtë rast vetëm tek një shqetësim i ngritur nga disa prej miqve të mi, e që unë besoj se është i sinqerte: është apo jo Biberaj anëtar i PD?”, shkruan ish-ministri i Jashtëm në “Facebook”.
“Ne gjysmën e dytë të 2003, pasi kishim analizuar shkaqet e humbjes tonë në zgjedhjet e vitit 2001, ne arritëm në përfundimin se, partia (PD) duhej hapur ndaj vlerave. Dhe kjo hapje duhet të shënohej më së pari ndaj figurave të saj historike, të cilat tashmë gjendeshin në parti të tjera. Nisem kështu zbatimin e idesë së Fillimit të ri. U kthyen njëri pas tjetrit brenda pak muajve Genc Ruli, Gramos Pashko, Arben Imami, Preç Zogaj e plot të tjerë. Për asnjërin prej tyre nuk u kërkua formalizimi i ripranimit. U quajt e mirëqenë anëtarësia e tyre e hershme në PD. Ky fakt u zyrtarizua me ndryshimet në statutin e partisë, ku u hoq përjashtimi nga PD. Kjo përvojë është e mjaftueshme edhe për Biberajn në këtë rast apo këdo tjetër, që do të afrohet”, nënvizon Mustafaj.
1.07.2013
Burimi: Gazeta Tema