Moti i keq rëndon situatën në qarkun e Elbasanit.
Reshjet e dendura të shiut dhe dëborës kanë sjellë shumë probleme sociale në qarkun e Elbasanit.
Dëbora ka bllokuar për orë të tëra aksin Prrenjas-Qafëthanë.
Është dashur ndërhyrja e mjeteve borëpastruese, që rruga të zhbllokohej.
Ndërkohë, policia nuk ka lejuar të kalojë asnjë automjet pa zinxhirë në goma.
Drejtuesit e automjeteve të pa pajisur me zinxhirë, nuk janë lejuar të qarkullojnë nga policia e qarkullimit rrugor.
Moti i keq rëndon situatën në qarkun e Elbasanit. Bllokohet aksi Prrenjas-Qafëthanë.
Situatë e rënduar nga moti është vënë re edhe në zonat e thella malore të Librazhdit, Përrenjasit, Gramshit dhe Elbasanit.
Në Gramsh, Devoll është përmbytur mbi 25 hektarë tokë në fshatrat rreth brigjeve të lumit.
Ndërsa fshatrat malorë të Gramshit si Poroçani, Lenia Kodovjati etj, ndodhen “të pafuqishëm” nën pushtetin e dëborës.
Në Elbasan përroi i Zaranikës ka përmbytur një banesë, pa rrezikuar jetë njerëzish.
Ndërsa përroi i Llixhës ka përmbytur 30 hektarë të mbjella në fshatin Jagodinë.
Dëbora ka krijuar probleme edhe në fshatrat Zavalinë dhe Labinot – Mal të Elbasanit.
Shtabi i emergjencës në prefekturë mban lidhje me të gjitha zonat e bllokuara apo të dëmtuara.
Alfrida Danushi
14.02.2018
