Ujërat e Vjosës i kanë “dhënë” ujë ujësjellësit. Ujësjellësi në fshatin Kafaraj është pushtuar nga prurjet e Vjosës.
Ky ujësjellës furnizon me ujë gjithë qytetin.
Më herët shtabi ka berë njoftim në popullatë për mospërdorimin e ujit sidomos për pirje. Në orët e pasdites u kujtua për njoftim dhe drejtoria e shëndetit publik. Një njoftim formal institucional pavarësisht se në Fier askush nuk konsumon prej vitesh ujë të pijshëm nga rubineta e çezmës. Situatë me vranësira në orët e pasdites në Fier dhe në zonën e nën dhe mbi lumin Vjosë, por fatmirësisht pa reshje. Bilancet e përmbytjeve ndoshta nesër e në vijim do ketë shifra të përafërta rreth situatës. Kryetari i bashkisë Armando Subashi tha para pak minutash se dëmet mund të jenë më të pakta krahasuar me përmbytjet e vitit 2015.
Për Lajm-Shqip
Vladimir Muçaj
