Vendim i çuditshëm…Mos e beso po deshe…Qeveria e Edit, ia ‘ngec’ në dorë Bashkisë së Erit, ‘Partizanin’! Nëpërmjet një vendimi të Këshillit të Ministrave, qeveria shqiptare ka kaluar varësinë e klubve Partizani dhe Studenti, nga MASR, tek Bashkia Tiranë.
Mos e beso po deshe: Qeveria e Edit, ia ‘ngec’ në dorë Bashkisë, klubin ‘Partizani’!
Në këtë vendim shruhet se: Qeveria shqiptare ka kaluar varësinë e klubeve Partizani dhe Studenti, nga Ministria e A.S.R-së, te Bashkia Tiranë. Vendim i publikuar dhe në Fletoren Zyrtare, i cili ka hyrë në fuqi menjëherë. Ja çfarë shkuan ky vendim:
“Vendim për ndrysimin e varësisë së klubve Partizani dhe Studenti, nga MASR, tek Bashkia Tiranë. Në mbështetje të nenit 100 të Kushtetutës, dhe të ligjit nr.79/2017, “Për sportin”, të nenit 15, të ligjit nr.8743, datë 22.2.2001, “Për pronat e paluajtshme të shtetit”, të ndryshuar. Si dhe “Për buxhetin e vitit 2018”, me propozimin e ministrit të Arsimit, Sportit dhe Rinisë, Këshilli i Ministrave, vendosi: 1. Ndryshimin e varësisë së klubit sportiv shumësportësh “Partizani” dhe klubit sportiv “Studenti”. Nga MASR, tek Bashkia Tiranë. 2. Buxheti i miratuar për vitin 2018 për klubet sportive “Partizani” e “Studenti”, bashkë me asetet në përdorim, transferohen nga M.A.S.R te Bashkia Tiranë. 3. Numri i punonjësve të klubeve “Partizani” dhe “Studenti”, në total 26 veta, transferohet tek Bashkia Tiranë. 4. Vendimi nr.312, datë 15.5.2003, i KM, çdo akt nënligjor i miratuar për këto klube, shfuqizohen.”
Ndërsa në fund kësaj VKM, shkruhet: Ngarkohen Ministria e Arsimit dhe Sportit, Bashkia Tiranë, klubi sportiv “Partizani” dhe ai “Studenti”, për zbatimin e këtij vendimi. Ky vendim hyn në fuqi menjëherë dhe botohet në “Fletoren zyrtare”.
