E ftuar në emisionin ‘Kjo Javë’ me Nisida Tufën në News24, kryetarja e LSI, Monika Kryemadhi ka folur për aktualitetin politik. Foli dhe mbi ngërçin me Prokurorinë e Krimeve të Rënda. Pasi ndaj 10 prokurorëve nisi procedimi disiplinor, sepse refuzuan shortin për çështjen Shullazi.
Monika Kryemadhi: Prokurorja Arta Marku nuk ka të drejtë të….
Kryemadhi tha se Arta Marku nuk mund të caktojë prokurorë për dosjet, pasi kjo bëhet me short. “Mënyra si u zgjodh prokurorja kështu do ndodhte. Nuk kam asnjë dilemë se do shkonim drejt shkrirjes së Prokurorisë. Sepse synim mbetej mbyllja e hetimeve për Shullazin dhe Tahirin. Ne nuk mendonim se do shkonim kaq larg. Por me bekimin e EURALIUS tregon se krimi i organizuar i ka shtrire tentakulat deri në institucionet ndërkombëtare.
Pra prokurorja e zgjedhur ne 69 vota ia imponoi shqiptarëve këtë prokurorë. Ne nuk mendonim se papërgjegjshmëria e tyre do arrinte në këtë fazë. Ne kemi bërë padi ndaj Arta Markut. Do depozitojmë çdo padi. Për mua gjuetia e shtrigave ndaj prokurove ka qenë shantazhuse qe të asimilohej pushteti i tyre në duar të Edi Ramës. Prokuroja nuk ka kompetencë për të caktuar prokurorë për dosjet. Pasi kjo bëhet me short. Kapja e reformës në drejtësi nuk sjell gjë tjetër vetëm pasiguri tek shqiptarët”- tha Kryemadhi.
Për Lajm-shqip
Vladimir Muçaj
