Kryetarja e LSI-së Monika Kryemadhi, deklaroi sot se partia e saj i ka kërkuar BE të hapë negociatat pa kushte. Ajo jep gjithashtu arsyen përse nuk ka dalë në publik, për një kohë të gjatë.
Ja pse nuk e kemi parë në publik për disa kohë kryetaren e LSI, Monika Kryemadhi jep arsyen.
Pasi ka sulmuar fort Edi Ramën duke e cilësuar si një person që “urren çdokënd”, Kryemadhi shpjegoi qëndrimin. Sipas saj, LSI kërkon hapjen e negociatave pasi ata janë të rëndësishme për vendin dhe jo për qeverinë e tij. Kreu i partisë së dytë më të rëndësishme të opozitës tha se do të paraqitet së shpejti një paketë drejtuar BE-së.
”Ne kemi paraqitur një plan anti-krizë dhe kërkojmë të rrëzojmë planin e qeverisë që e ka rrëzuar dhe BE”. Pasi e pyetën për mungesën në media këto ditë, Kryemadhi tha se LSI ka një model të ri politik. “Një model që nuk sheh kryetarët çdo ditë në tv. LSI ka folur dhe flet çdo ditë përpara qytetarëve të saj. Por siç thotë mamaja e Petrit Vasilit, më mirë të më kërkojnë nga malli sesa nga halli. Pastaj me gjithë këto skandale nuk mund të rrij pa e vërvitur çizmen në kokën e atyre që e meritojnë”. Kreu i LSI-së ka theksuar se LSI-ja do të sjellë në Kuvend një paketë të plotë antikrizë për qyettarët. LSI do të kërkojë heqjen e sistemit të TVSH-së nga bizneset e vegjël dhe tu merret oligarkëve.
Për Lajm-Shqip
Ylli Pata
