Momenti i tmerrshëm i përplasjes së trenit
Momenti kur treni me pasagjerë u përmbys duke shkaktuar 78 viktima në Spanjë, pranë Santiago de Compostela, është kapur nga një prej kamerave të sigurisë dhe videoja është postuar në Youtube.
Imazhet e tmerrshme tregojnë përplasjen e trenit me murin e më pas përmbysjen e tij.
Sipas ‘El Pais’, një nga drejtuesit e trenit që mbeti i bllokuar në kabinën e tij, i tha qendrës hekurudhore se treni hyri në kthesë me 190 km/h në një zonë ku shpejtësia maksimale e lejuar është 80 km/h.
Sipas burimeve pranë hetuesve të këtij aksidenti të rëndë, ai ka shtuar: “Jemi njerëz, bëjmë gabime. Vetëm shpresoj të mos ketë viktima pasi do më rëndojnë në ndërgjegje.”
Kryeministri spanjoll, Mariano Rajoy, ka shpallur tri ditë zie për viktimat që humbën jetën pasi treni i tyre i shpejtësisë së lartë doli nga binarët.
Deri më tash raportohet për së paku 78 të vdekur dhe mbi 130 të lënduar.
Kryeministri Rajoy e ka vizituar vendin e ngjarjes të enjten në Santiago de Compostela, prej nga ka origjinën edhe vet kryeministri.
Ai gjithashtu i ka vizituar edhe të lënduarit në spital.
Treni ishte i linjës Madrid – El Ferrol.
25.07.2013
Burimi: Top-Channel
Dashamir dr.
Shpejtsia mund te jet shkak.
por duhet shifen dokumentat sepse edhe me pare treni mun te ket kaluar me 190 km ne ore.
mundet qe ne shina ka patur pengesa te cdo natyre aksidentale,letra.shishe,gure ,shpend Mundet shkaqe natyrore dhe qellimshme)etj etj