Moderatorja emërohet drejtoreshë e rinisë në Ministri!
Emrin e saj e njohim të gjithë… Për disa vite ka qenë shoqëruesja jonë e mëngjesit me programe si “Agon” në “Albanian Screen” e “Dita Ime” në “Vizion Plus”.
Lori Haxhiu, është emëruar prej disa javësh Drejtore e Përgjitshme e Shërbimit Kombëtar Rinisë. Institucion që prej këtij mandati qeverisës është në varësi të Ministrisë së Arsimit dhe Rinisë.
“Java e Rinisë” që lamë pas, ishte ajo që na njohu me drejtoreshën e re të rinisë.
Moderatorja prezantoi kalendarin me 32 aktivitete në të gjithë Shqipërinë.
Por jo vetëm kaq, për Lorin dëgjuam të flitej nga ministrja e Arsimit, Lindita Nikolla. Në takimin që ekipi i ministrisë dhe Kryeministri i vendit patën me studentët e ekselencës. Nikolla vlerësoi angazhimin e Haxhiut si një prej studenteve të ekselencës. Me përkushtim arriti të organizojë një javë të mbushur plot me aktivitete për rininë shqiptare. “Shqipëria Rinon” ishte sfida e parë për Lorin në krye të SHKR dhe mesa duket e ka kaluar me sukses. Të tjera sfida e presin në të ardhmen shkruan RevistaWho.
10.12.2017
