Kërkesa për dorëheqjen e mjekëve të urgjencës në QSUT, ka shkaktuar reagime të shumta edhe në qytetin e Durrsit. Shumë pacientë nga ky qytet dërgohen për kurim më të specializuar në QSUT. Për shkak të mbingarkesave në këtë spital, pacient të nisur me urgjencë nga Durrsi, janë kthyer pas pa u pranuar. Kreu i konfederatës së sindikatave të pavaruara Kol Nikolli thotë se pergjegjësi kryesor për këtë situatë është vetë shteti. Përsa i përket mjekëve, që kanë kërkuar dorëheqjen, Nikolli thotë se ata duhet të ndjekin rrugën institucionale për zgjidhjen e problemeve. Braktisja e pacientëve dhe lënia mes katër rrugëve nuk është aspak ajo cfar një pacient meriton.
7 mjekë të QSUT kanë dhënë kolektivisht dorëheqjen nga detyra.
Sipas tyre ata kishin paralajmëruar aktin që do të ndërmerrin rreth një muaj më parë. Ata i kanë dërguar një letër Presidentit Meta, kryeministrit Rama si dhe ministres së Shëndetësisë Ogerta Manastirlliu. Sipas tyre kushtet me të cilat ata punojnë janë të vështira dhe se nuk ka shtretër për pacientët.
Mes atyre që kanë firmosur letrën janë: Etionema Braçaj, Petrit Gjorgji, Petrit Vargu, Elton Çalliku, Besnik Koçia dhe Eqrem Hasani.
“Tërhiqemi nga pozicioni i punës. Nuk ka kushte pune për stafin mjekësor dhe ka mbingarkesë me të sëmurë të shtruar Ka mungesë vendesh në pavianët e tjera dhe Shërbimet e tjera nuk zbatojnë urdhrat. Po paralajmërojmë sipas kodit të punës 30 ditë përpara”- thuhet ndër të tjera në letër mjekët e Urgjencës së QSUT.
Për Lajm-Shqip
Silvi Feimi
