Mjekët që shkruajnë keq vrasin njerëz…
Hulumtuesit amerikanë kanë arritur në përfundim që mungesa e bukurshkrimit te mjekët është fatale për shumë pacientë.
Sipas një raporti të Akademisë së Shkencave të Institutit Kombëtar të Mjekësisë të publikuar më 2016 fakti që infermierët apo farmacistët nuk mund të dallojnë qartë emërimin e barnave nga udhëzimet e mjekëve shkakton vdekjen e paqëllimshme të rreth 7 mijë personave çdo vit në SHBA.
Këtë problem, kompanitë e teknologjisë në bashkëpunim me institucionet po luftojnë ta rregullojnë. Ata po përpiqen të fusin në përdorim sistemin e përshkrimit të barnave përmes teknologjisë.
Teknologjia do të përdoret nga mjekët dhe do të evitoheshin gabime të tilla, që shumë njerëzve u kushtojnë me jetë.
Google, Aetna, Dell e shumë spitale në Amerikë tashmë kanë prezantuar këtë sistem që mjekëve do t’u ofrohet pa pagesë.
“Mijëra njerëz po vdesin, kjo është çmenduri.
Ne kemi zgjidhjen për këtë problem dhe ende nuk e kemi bërë”, thotë Glen Tulliman. Ai është shef i kompanisë Allscripts që ka themeluar programin kompjuterik për përshkrim të barnave.
Burimi: Syri.net
11.11.2017
