Mister arrestimi i grekut dhe sekuestrimi i makinës së tij nga policia vendore e Gjirokastrës.
Njoftimi i policisë bën të ditur se është arrestuar një shtetas grek, i cili ishte zhdukur pasi kishte braktisur makinën e tij.
Autovetura e tij tip Skoda është gjendur e braktisur që më datë 11 mars, ndërsa pronari i saj ishte shpallur në kërkim.
Mësohet se shtetasi 60-vjeçar me inicialet Ch.L., lindur dhe banues në Greqi, është arrestuar tri ditë pas shpalljes në kërkim.
Kapja e tij u bë një ditë më parë falë informacioneve operative të policisë.
Por vazhdon të mbetet mister arrestimi i grekut dhe sekuestrimi i makinës së tij.
Policia ende nuk bën me dije motivet për të cilat ai është arrestuar prej saj.
Në vazhdim çështja po hetohet nga Prokuroria e Gjirokastrës.
Për Lajm-shqip
Engjëll Serjani
