Ministrja e Jashtme italiane vizitë zyrtare…

Ministrja e Jashtme italiane Emma Bonino ka mbërritur sot në Tiranë për një vizitë zyrtare.
Takimin e parë, kryediplomatja italiane e ka zhvilluar me homologun e saj Ditmir Bushati ku është diskutuar forcimi i bashkëpunimit mes dy vendeve si dhe për projektin TAP.
Pas takimit të dy homologët kanë mbajtur një konferencë për shtyp ku është folur për bashkëpunimin mes dy vendeve.
Në fjalën e tij, ministri Bushati shprehu vlerësimin për mbështetjen që Italia i ka dhënë Shqipërisë për anëtarësimin në NATO dhe tani për integrimin në Bashkimin Europian.
Ndërsa ministrja Bonino u shpreh se e njeh prej kohësh Shqipërinë pasi në pozicionin që ka mbajtur ka pasur mundësinë ta vizitojë vendin tonë.
Gjithashtu, ministrja e Jashtme italiane do të zhvillojë edhe një takim me kryeministrin e Shqipërisë Edi Rama.
Ndërsa në orën 12:05  së bashku me ministrin Bushati, kryediplomatja italiane do të marrë pjesë në “Tryezën e Rrumbullakët mbi Sipërmarrjen Femërore”, që do të zhvillohet në Pallatin e Kulturës.
Burimi: Shekulli.com
09.10.2013