Ministri i Jashtëm i Gjermanisë ka dërguar një prononcim me shkrim për DW ku vlerëson konsensusin e arritur në BE për negociatat e anëtarësimit të Maqedonisë dhe Shqipërisë.
Heiko Maas, Ministër i Jashtëm, konsensusin në BE për hapjen e negociatave me Shqipërinë dhe Maqedoninë e vlerëson në këtë mënyrë:
“Bashkimi Europian këtë javë ka marrë një vendim të rëndësishëm. Duke filluar nga viti 2019 mund të fillojnë bisedimet me Shqipërinë dhe ish-Republikën Jugosllave të Maqedonisë.
Ministri gjerman për negociatat me Shqipërinë: Stimul për të vazhduar…
Ne jemi angazhuar shumë për këtë sinjal të fortë dhe udhërrëfyes, përmes të cilit vlerësohen arritjet e reformave në vitet e fundit.
Procesi i negociatave në Bruksel nuk ka qenë gjithmonë i lehtë. Megjithatë ne jemi të gëzuar, që në fund u bë i mundur një kompromis i të gjitha 28 vendeve anëtare të BE-së.
U bëj thirrje politikanëve në Tiranë dhe në Shkup, që këtë sukses ta vlerësojnë si një stimul për të vazhduar me impenjim reformat. Gjermania do të vazhdojë të mbështesë fuqimisht në këtë drejtim.”
Për lajm-shqip:
Klajdi Thaçi
29.06.2018
