Pas ministrit të Drejtësisë italiane, në Tiranë do të mbërrijë për një vizitë zyrtare, Ministri i Brendshëm i Francës, Gerard Collomb.
Ai do të zhvillojë një vizitë dy ditore në Tiranë.
Ministri i Brendshëm francez shoqërohet nga një delegacion i gjerë. Në të bëjnë pjesë deputetë, drejtues bashkish, drejtues të Policisë franceze e gazetarë të disa mediave të njohura.
Ministri Collomb dhe delegacioni që e shoqëron do të zhvillojë nesër në Ministrinë e Brendshme bisedime zyrtare me ministrin Xhafaj dhe ekipin e tij.
Gjatë ditës së sotme dhe të nesërme, ministri Collomb dhe delegacioni që e shoqëron, do të priten në takime të veçanta. Ai do të takohet nga Presidenti i Republikës Ilir Meta dhe Kryeministri i vendit, Edi Rama.
Grupi i deputetëve dhe kryetarët e bashkive do të priten në takime të veçanta edhe nga Gramoz Ruçi. Gjithashtu do të ketë takim edhe me Erion Veliajn.
Gjatë vizitës në Tiranë, ministri Collomb do të zhvillojë një vizitë në kompaninë ‘Aleat’ që prodhon dokumentet biometrikë në ‘Muzeun e Gjetheve’.
www.lajm-shqip.com
