Në kryeqytetin e Suedisë, Stockholm, do të vendosen linjat e rregullta të minibusëve pa shoferë. Në njoftimin e Kabinetit për transport të Suedisë thuhet se pas Vitit të Ri do të qarkullojnë minibusë pa shoferë. Kjo linjë do të jetë rasti i parë i tillë në vendet Skandinave.
Në etapën e parë është planifikuar që dy minibusë të qarkullojnë në veri të kryeqendrës suedeze.
Linja e rregullt e minibusëve pa shoferë është e gjatë 1.5 kilometra.
Në njoftim theksohet se minibusët do të mund të pranojnë gjithsej 12 pasagjerë. Ata mund të lëvizin me 20 kilometra në orë. Bëhet e ditur se së shpejti në disa pjesë të Stockholmit do të vendosen linja edhe për shtatë minibusë të tjerë. Fillimisht, udhëtimi me ta do të mundësohet falas. Minibusët elektrik, të pajisura me kamera dhe sensorë, do të nisen në rrugën e krijuar enkas për këto automjete.
28.12.2017
