Kreu i shtetit Ilir Meta, i ka propozuar Kuvendit të Shqipërisë kandidatin për postin e kryetarit të Kontrollit të Lartë të Shtetit, ish kreun e SHISH, Bahri Shaqirin.
I cili mbante postin e Këshilltarit të Presidentit të Republikës për Çështjet e Sigurisë Kombëtare nga muaji tetor 2017.
“Zoti Bahri Shaqiri plotëson të gjitha kushtet dhe kriteret ligjore për t’u emëruar në këtë pozicion, si dhe është një kandidaturë me eksperiencë në drejtimin e institucioneve.
Gjatë eksperiencës 26-vjeçare të punës në institucionet e larta shtetërore si:
Ministria e Financave, Shërbimi Informativ i Shtetit, Ministria e Mbrojtjes, Ministria e Transportit dhe Infrastrukturës, dhe aktualisht në Institucionin e Presidentit të Republikës,
z. Bahri Shaqiri ka treguar integritet të lartë moral dhe profesional në ushtrimin me sukses të detyrave kaq të rëndësishme”, thuhet në propozimin e Metës.
Visar Quni
21.01.2019
