Mërgim Mavraj na tregon një sekret të jetës së tij, duke na njohur me vendin e vetëm ku nuk mendon për futbollin. Nuk do ta gjeni në hotelet luksoze, në plazhet perfekte, apo në ndonjë vend tjetër, nga ato që konsiderohen interesante.
Mërgim Mavraj tregon vendin ku s’mendon për futbollin
Shqiptari i HSV, Mërgim Mavraj (31 vjeç) po i kalon pushimet e tij të dimrit në një mënyrë tjetër. Muslimani i devotshëm u zhvendos në qytetin pelegrin të Mekës. Prestigjiozja gjermane, “Bild”, ka bërë një intervistë me qendërmbrojtësin kuqezi.
Për shumë muslimanë, një vizitë në Mekë është një qëllim i jetës. Cilat ishin përvojat dhe përshtypjet tuaja?
Ishte hera e dytë që isha atje. Meka është shumë, shumë mbresëlënëse dhe formuese. Është vendi i përsosur për të bërë ndryshime në veten tuaj. Atje e kalon kohën ndryshe. I kushtoni vëmendje gjithçkaje që bëni dhe thoni. Qëllimi juaj i përditshëm është të ndihmoni të tjerët. Është e mahnitshme se si merreni me njëri-tjetrin atje…
Çfarë po thoni saktësisht?
Në Mekë harroni gjithçka rreth jush. Ekziston një energji jashtëzakonisht paqësore. Për herë të parë në jetën time mund të them se e lë shpirtin tim. Madje, arrita ta fikja fare për futbollin. Diku tjetër, kjo nuk është më e mundur. Nëse jeni në shtëpi me prindërit tuaj, ose fluturoni me pushime, 100 për qind “stakim” i trurit nuk mund të jetë as aty. Këtë e bëra në Mekë.
Në përmbledhje: a ishte zgjedhja e duhur për të kaluar te HSV?
Absolutisht! Në të dyja drejtimet, sportive dhe private. Unë kurrë nuk jam bërë pishman për këtë zgjedhje. Jam krenar që jam pjesë e familjes HSV, raporton telesport.
Çfarë ju jep shpresë për gjysmën e dytë të sezonit?
Mënyra se si luajtëm. Edhe nëse rezultatet nuk ishin gjithmonë të drejta, qëndrimi dinjitoz ishte gjithnjë aty. Ne kemi qenë gjithmonë një ekip dhe kurrë nuk e lejojmë veten të përfshihemi në situata të pashpresa.
29.12.2017
