Mediat serbe nuk kanë mundur që të përballojnë disfatën nga kombëtarja e Zvicrës ku shkëlqyen yjet shqiptare. Së pari ishte Granit Xhaka ai që shënoi pas 52 minutash lojë me një bombë që e pasoi me një festim spektakolar.
Së dyti ishte Xherdan Shaqiri i cili e dha nokautin ndaj Serbisë me një gol të bukur në kundërsulm.
Mediat serbe: ‘Skandal botëror’, Shaqiri luan me flamurin e një shteti fantazëm
Granit Xhaka dhe Xherdan Shaqiri kanë ngritur në këmbë gjithë botën e futbollit me golat e tyre që përmbysën rezultatin e Serbisë.
Të dy shqiptarët kanë ngritur shqiponjat pasi shënuan golat e tyre të mrekullueshëm ndaj Serbisë.
Kjo nuk kaloi mirë, ku Kurir.rs e quajti të papranueshëm festimin e shqiptarëve.
“Skandal botëror, do reagojë FIFA? Shaqiri kundër Serbisë luan në me flamurin e një shteti fantazëm“, -shkruan Kurir.rs.
Më tej, gazeta shkruan se Shaqiri është një përfaqësues i Zvicrës, i cili është një shtetas i Kosovës dhe Metohisë dhe ka provokuar në mënyrë të përsëritur Serbinë me rastin e pavarësisë së Kosovës dhe Metohisë, duke arritur të zemërojë njerëzit e këtij rajoni.
Për lajm-shqip:
Jorida Fataj
23.06.2018
