Më në fund zbulohet vjedhja në ‘Super Market’…dhe hajduti është gjyqtari Admir Thanza! Admir Thanza, anëtar i Gjykatës së Lartë, nuk e kaloi Vetting-un. Ndërsa Komisioni i Pavarur i Kualifikimit (KPK) vendosi shkarkimin e tij.
Më në fund zbulohet vjedhja në ‘Super Market’…dhe hajduti është gjyqtari Thanza
Ndërsa Thanza gjatë kohës që ka qenë gjyqtar në gjykatën e Shkodrës, është dënuar në Itali, me 40 ditë burg. Si dhe me një gjobë të majme për vjedhje. Por ky vendim nuk është bërë kurrë më parë publik…Derisa u zbulua nga ONM-ja, Operacioni Nderkombetar i Monitorimit të procesit të Vettingut. Vetë Thanza nuk ishte i pranishëm në seancën e Komisionit të Pavarur të Kualifikimit, kur u dha vendimi.
Megjithatë, javën që shkoi, gjyqtari u përball me Komisionin e Pavarur të Kualifikimit. Atëhere THanza nuk e ka pranuar konsumimin e veprës penale në Itali. Thanza tha se kishte marrë përsipër veprimin e ish-kunatës së tij, për të shpëtuar jetën e nipit, që kurohej në Itali nga sëmundje e rëndë.
Ndonëse Thanza u zotua se nuk e ka kryer veprën penale, për të cilën. ka marrë dënimin. Megjithatë, mosdeklarimi i saj në formularët e dekriminalizimit përbën vepër penale, sipas ligjit në fuqi. Karriera e gjyqtarit. Thanza ka pësuar një goditje të fortë, pasi edhe DSIK e nxori të papërshtatshëm për vazhdimin e detyrës.
Gjithashtu sipas DSIK, Thanza ka pasur kontakte me persona të botës së krimit. Ndërsa gjyqtari Thanza kishte probleme edhe me pasurinë e tij. Ai ka deklaruar se një apartament në Shkodër e ka blerë me burime financiare nga shitja e dy apartamenteve të tjerë. Mirëpo, datat janë shumë konfuze. Gjyqtari Thanza ka deklaruar se apartamentin e tretë e ka blerë në prill të vitit 2000. Ndërsa dy apartamentet e parë, i ka shitur në shtator të vitit 2000. Po kështu, kujtojmë se sot në orën 10:00, në Komisionin e Pavarur të Kualifikimit, pritet që të jepet vendimi për Thanzën!
Për Lajm-shqip
Leonard Xhelili
