Korça mbetet një ndër qytetet më të veçanta në Shqipëri. E njohur për turizëm, bukuri natyrore, tradita të spikatura dhe kulturë. Korça ofron gjithcka. Aty ku çdokush që shkel nuk ngurron të kthehet sërish. Një qytet ku shijohet gjithçka.
Me motorra në qytet, ja mesazhi domethënës në Korçë…
Mbrëmjet janë të tejmbushura me qindra qytetarë të ardhur nga vende të ndryshme. Në çdo cep të qytetit ndjehet aroma e festimeve. Çdokush feston dhe argëtohet.
Aktivitete pafund ku çdo mbrëmje është e organizuar në mënyrë të veçantë. Fundjavat janë të pushtuara nga turistët. Serenatat gumëzhijnë në çdo lokal. E veçanta e kësaj mbrëmje është bërë edhe lëvizja e motorrave në qëndër të qytetit.
Një grup të rinjsh kanë zgjedhur të ecin me shpejtësi të limituar përgjatë bulavardit. Një atmosferë e veçantë e krijuar këtë të diel. Me domethënie të veçantë ku në çdo vijëzim të bardhë ata qëndronin disa minuta.
Kjo për të ndërgjegjësuar drejtuesit që vijëzimet e këmbësorëve duhen respektuar. Gjatë muajve të fundit janë regjistruar aksidente me pasojë në qytet. Shkak për të cilën janë bërë mosrespektimi i këmbësorëve. Ky ka qënë edhe mesazhi i përcjellë nga motorristat. Kjo është Korça. Qyteti i kulturës dhe i gjithçkaje të bukur.
Për Lajm-shqip
Ledjona Xheladinaj
