Pesë stacione metroje janë mbyllur në Kiev pas një alarmi për bombë përpara ndeshjes të Ligës së Kampionëve, që zhvillohet sot më 26 maj, tha operacioni i metrosë së kryeqytetit të Ukrainës në një deklaratë.
“Stacionet janë të mbyllura për pasagjerët dhe kontrollet po kryhen,” u tha në deklaratën e postuar në Twitter. Nuk ka detaje të mëtejshme.
Njoftimi erdhi pasi mijëra tifozë të Real Madrid dhe Liverpool u mblodhën në Kiev për finalen e parë të Ligës së Kampioneve në UEFA që do të luhet në Ukrainë. Finalja, e cila do mbahet në Stadiumin Olimpik të NSC, do të fillojë në orën 9:45 me orën lokale.
Mbyllen metrotë pas alarmit për bombë, gjithçka pak para ndeshjes së Ligës së Kampionëve
Ndizet alarmi i sigurisë para finales në Ligën e Kampionëve. Stacionet e metrosë në Dnipro, Hydropark, Livoberezhna, Arsenalna dhe Heroiv Dnipra del Metro në Kiev janë detyruar të mbyllen pas paralajmërimit për një bombë.
Ngjarja ndodhi pak orë para fillimit të ndeshjes finale në Ligën e Kampionëve mes Real Madridit dhe Liverpoolit, raporton “AS”.
“Kemi marrë thirrje anonime për instalimin e një bombe në stacionet në Dnipro, Hydropark, Livoberezhna, Arsenalna dhe Heroiv Dnipra. Stacionet janë mbyllur. Udhëtarët janë evakuuar deri në përfundim të kontrollës”.
Ky ka qenë njoftimi nga qendra e policisë Metropolitano në Kiev, në faqen e saj në Facebook.
Finalja tjetër, organizuar në të njëjtin stadium ishte ajo e Euro 2012, janë një ngjarje e rrallë prestigjioze për Ukrainën, një vend që lufton me një konflikt me separatistët e mbështetur nga Rusia në lindje, si dhe problemet e rënda ekonomike dhe të korrupsionit.
Kievi është gjithashtu një nga vendet më sfiduese logjistike të zgjedhur nga UEFA për ngjarjen më të rëndësishme të klubit, me një mungesë të objekteve akomoduese dhe aeroporteve. Real Madridi, kampionët në fuqi, po ndjek një rekord të titullit të 13-të evropian dhe një fitore të katërt në pesë sezone.
Liverpooli ka arritur në finale për herë të parë në 11 vjet dhe fitoi titullin e fundit të pesë titujve evropianë në 2005.
Për lajm-shqip:
Jorida Fataj
26.05.2018
