Sërish pikat e valutës në Fier, në “objektivin” e vjedhësve.
Këtë herë ata kanë përdorur maska, për të mos i identifikuar.
Vetëm 20 minuta më parë në lagjen “Apolonia”, Fier, një shtetas, sapo ka dalë nga një pikë këmbimi valutor dhe është befasuar.
Persona të maskuar e kanë grabitur duke i marrë një qese me para.
Në vendngjarje ndodhet policia, por vjedhësi ka përfituar nga errësira dhe ia ka mbathur.
Maskat vjedhin një pikë valute në Fier dhe ikin në terrin e natës
Sipas informacioneve të shpejta dhe paraprake, shtetasi M.S. ka patur një çantë me lekë, kur ajo i është rrëmbyer.
Kjo do të thotë se sasia e valutës është e madhe.
Vjedhësit e kanë pikasur në fillim, kur ka hyrë për këmbim kartëmonedhash.
Dhe më pas, kanë vënë maskat dhe e kanë lënë qytetarin me duar bosh.
Policia po përpiqet të zbardhë ngjarjen.
Dy javë më parë, një pikë tjetër valutore ka rënë në duart e vjedhësve.
Ata do të merrnin një shumë të madhë parash.
Për fat, nuk kaluan as 24 orë dhe policia bëri identifikimin e tyre.
Aksioni i uniformave blu i prangosi dhe sot janë pas hekurave.
Për ta ende nuk është dhënë vendimi i gjykatës.
Vladimir Muçaj
03.02.2018
