Greqia pritet të votojnë sot marrëveshjen historike për ndryshimin e emrit të Maqedonisë.
Marrëveshja mes dy vendeve për ndryshimin e emrit të ish-republikës jugosllave në Maqedoni të Veriut, është arritur në qërshor të vitit të kaluar.
Ndërkohë që me këtë marrëveshje, Greqia nuk do t’i kundërshtojë më synimet e Maqedonisë për t’u anëtarësuar në NATO.
Greqia e ka kundërshtuar emrin Maqedoni me vite, duke thënë se me të, fqinji i saj mund të ketë pretendime territoriale ndaj një territori grek me të njëjtin emër.
Debati në Parlamentin grek ka nisur të mërkurën dhe pritet të përfundojë me votimin e traktatit të njohur si Marrëveshja e Prespës.
Parlamenti i Maqedonisë i ka miratuar dhjetë ditë më parë ndryshimet kushtetuese për ndryshimin e emrit.
Elona Tereziu
24.01.2019
