Marrëveshja me Serbinë “kryqëzon” presidentin, Thaçi…

Duket se presidenti i Kosovës Hashim Thaçi, po “dorëzohet”. Kjo, për skepticizmin e tij rreth marrëveshjes së mundshme me Serbinë. Njihen qëndrimet stoike të Thaçit, në lidhje me këtë marrëveshje, që sipas tij, mbetet zgjidhja e vetme.Kjo, që Serbia, të njohë Kosovën si Republikë e pavarur. Orët e fundit , deklarata  e tij, mbetet befasuese. I dyzuar se marrëveshja me Serbinë, nuk do të mund të marrë kartonat jeshilë të deputetëve të Kosovës, ai vë në pikëpyetje postin e tij.

– “Edhe kritikët të mos mendojnë që do të shkel Kushtetutën. Kushtetutën nuk e shkel kurrë. Por për ta ndryshuar, po. Mund të arrijmë marrëveshjen, pastaj i propozohet Kuvendit të Kosovës, i cili e aprovon ose jo. Nëse Presheva, Medvegja dhe Bujanovci i bashkëngjiten Kosovës me marrëveshje, dhe Kuvendi i Kosovës nuk e aprovon, unë jap dorëheqje, ose shpall referendum”, – është shprehur presidenti Thaçi. Deklarata në fjalë, jep për të parën herë, një tërheqje me kusht të Thaçit. Por, ai ka besim absolut tek një referendum i mundshëm.

–  “E di që në referendum fitoj 80%. Kjo, sepse 99% e qytetarëve në Preshevë, Medvegjë dhe Bujanovc e përkrahin bashkëngjitjen me Kosovën. Dhe rreth 75-80% e qytetarëve të Kosovës aktualisht e mbështesin këtë bashkëngjitje. Kështu që unë po përçoj vetëm vullnetin e qytetarëve të Kosovës dhe të Preshevës”,- ka shtuar ai në një intervistë. Nga ana tjetër, ai ka dhënë garancinë, se çdo marrëveshje me Serbinë, nuk do të cënonte asnjë centimetër nga teritori i Kosovës.

–  “Nuk do të ketë kufij me baza etnike. Kosova do të jetë multietnike. Serbia do të jetë multietnike. Nuk do të ketë cënim të pasurive shtetërore të Kosovës. Trepça ka qenë dhe do të mbetet gjithmonë pronë e Kosovës. Edhe bashkimi i qytetit të Mitrovicës do të ndodhë. Edhe Ujmani ka qenë dhe do të mbetet pronë e Kosovës. Unë e kam vizituar dhe njerëzit mendojnë se kam shkuar për të shëtitur. Jo. Ka qenë mesazh i qartë që ai, që e prek Ujmanin, prek kombin shqiptar. Dhe nuk ndahet mire”.

– Ky është pasazhi i fundit i intervistës së Thaçit. Pra, kemi një obsion të tij, për dorëheqje. Por, kjo mbetet thjeshtë, një lloj “shantazhi”, pasi ai ka sigurinë edhe në marrëveshje, edhe në referendum. Po ashtu, siç është i sigurtë në mosprekjen teritoriale të Kosovës.

 

 

Për lajm-shqip:

Besim Dybeli

26.02.2019