Shohim disa zbulime shkencore rreth kanabisit të bëra gjatë këtij viti. Në vitin që po përfundon, janë kryer shumë hulumtime të kanabisit. Prej këtyre studimeve kane dalë zbulime interesante rreth vetive të bimës së diskutueshme. Ajo paraqet rreziqe shëndetësore, por dhe përfitime kur përdoret për qëllime terapeutike. Edhe pse konsiderohet një drogë, marihuana përdoret gjerësisht në fushën mjekësore. Ajo përdoret si një ilaç kundër dhimbjeve, qetësues, antikonvulsiv dhe shumë përdorime të tjera. Le të shohim disa nga hulumtimet më të rëndësishme.
Kanabisi dhe tumoret
Hulumtime të ndryshme shkencore kanë treguar se cannabinoidet luftojnë kancerin. Hulumtimet e kryera në Serbi kanë treguar se cannabinoidet çojnë qelizat e kancerit në “apoptozë”, dmth vetëvrasje qelizore.
Një veti që do të duhet të studiohet në mënyrë më të thellë dhe që ka dalë duke studiuar sjelljen e receptorëve kanabinoid të tipit 1 dhe tipit 2. Nëse përbërësit aktivë të bimës kanë një efekt antikanceroz thithja e vajit të cannabis të avulluar në anën e kundërt të ekspozon ndaj një numri substancash me efekt potencial kancerogjen për njerëzit, të tilla si acetaldehidi, akrolein dhe formaldehid.
Marihuana dhe stresi
Sipas shkencëtarëve të Uashington State University pirja e marihuanes do të kishte efekt pozitiv të reduktimit të stresit, duke parandaluar një rritje në nivelet e kortizolit, por ata gjithashtu bëjnë të ditur se ky hormon ndihmon trupin e njeriut të reagojë ndaj ndryshimeve në mjedis dhe mbijetesë. Përkthyer në fjalë te thjeshta , marihuana ul stresin, por ka gjasa të zvogëlojë aftësinë e subjektit për të reaguar në mënyrë të përshtatshme ndaj stimujve të jashtëm.
Kanabisi nën mbulesa
Sipas Shkollës së Mjekësisë të Stanford University, njerëzit që pinë derivate të kanabisit kanë më shumë marrëdhënie seksuale sesa ata që nuk konsumojnë substancën. Kjo është ajo që doli nga analiza e të dhënave e rreth 50 mijë subjekteve, burra dhe gra. Sipas studiuesve, kjo duhet të jete pasojë e faktit se marihuana stimulon zonat e trurit përgjegjës për aktivitetin seksual.
Kanabisi mund të vrasë
Në kundërshtim me atë që besohej më parë, kanabisi mund të çojë në vdekje nëse merret në doza të larta. Rasti i parë i dokumentuar dhe i njohur ka të bëjë me një fëmijë njëmbëdhjetë muajsh amerikan, i cili gëlltiti sasi të mëdha të ushqimeve me bazë kanabis në shtëpi. Fëmija vdiq nga arresti kardiak dhe sipas mjekëve që u përpoqën ta shpëtonin, doza e lartë e përbërësve aktivë të marihuanës që u gjet në gjakun e tij ishte shpjegimi i vetëm i mundshëm për vdekjen e tij.
Për Lajm-Shqip
Adelina Vila
