Mandatet, Kryemadhi: Mendova për qytetarët…
Nga Lezha, ku zhvilloi një takim me strukturat e Lëvizjes Socialiste për Integrim, Monika Kryemadhi komentoi  edhe vendimin për dorëzimin e mandateve të opozitës.

Teksa tregoi vështirësitë që u hasën gjatë këtij procesi, Kryemadhi u shpreh se vendimi i opozitës erdhi për të ndërgjegjësuar çdo qytetar, çdo socialist, çdo punonjës të administratës që shteti sot është i kapur, i kapur Parlamenti, drejtësia dhe siguria.

Sipas saj, ka një zgjidhje për t’i dhënë fund të gjithë situatës së krijuar.

“Vendimi për të djegur mandatet ishte i vështirë, por çfarë do bëheshim ne, fasadë e shëmtuar e qeverisjes së Ramës? është tradhti , kombëtare t’i shërbesh Ramës, ne thjesht bënim sikur po bënim opozitë. Prandaj djegia e mandateve erdhi për të ndërgjegjësuar çdo qytetar, çdo socialist, çdo punonjës të administratës që shteti sot është i kapur, i kapur Parlamenti, drejtësia dhe siguria. Kemi vetëm një rrugë, përballje me këtë grup kriminal që ka kapur shtetin. Ne nuk tërhiqemi asnjë hap pas. Ne do vazhdojmë të luftojmë nuk kemi asgjë personale me Ramën por me dështimet e tij”,- tha Kryemadhi.

Për lajm-shqip:

Erjona Keta

10.03.2019