Një ngjarje e rëndë tronditi mbrëmjen e djeshme Tiranën, ku një 41-vjeçar i quajtur Dëfrim Kasmi u ekzekutua nga një atentat mafioz poshtë banesës.
Dy persona me motorr kanë qelluar drejt Kasmit, dhe më pas janë arratisur.
Viktima i njohur si Devi Kasmi, dyshohet të jetë vrarë për shkak të së kaluarës së tij kriminale, ku vrasësi dyshohet të jetë Domart Konjari.
Ngjarja ndodhi në rrugën “Kongresi i Manastirit”, ku në skenën e krimit policia gjeti edhe dy pistoleta.
Ato dyshohet të jenë të viktimës, shkruan opinion.al.
Ai i mbante armët me vete kudo për shkak se ruhej nga konfliktet në të cilat ishte i përfshirë.
Vrasja e ndodhur mbrëmjen e djeshme e ka zanafillën vite më parë, ku atentatori dhe viktima dyshohet se kanë qenë pjesë e trafikut ndërkombëtar të kokainës.
Po kush është Dëfrim Kasmi?
Nga detajet e fundit në lidhje me të është zbuluar se viktima që njihej me pseudonim “Dëfrim qorri”, ishte një person që ruante një profil të ulët.
Daljet e tij ishin të rralla. Për këtë arsye ai kishte marrë edhe nofkën “fantazma”, pasi shumë pak persona ia njihnin fytyrën.
Ai ka qenë i përfshirë në trafikun ndërkombëtar të kokainës në Francë dhe Spanjë.
Ndërsa pista ku po heton policia për vrasjen e tij thuhet të jetë ajo e hakmarrjes për shkak të kontrolleve për territor në Evropë.
Emri i Devi Kasmit, është i njohur për policinë e Tiranës, pasi ai ka qenë i përfshirë në një atentat të ndodhur në vitin 2010.
Gjatë kontrollit të bërë në banesën e tij, policia gjeti rreth 3 kilogramë kokainë dhe një kallashnikov me silenciator që i përkisnin viktimës.
Atentati mafioz në Tiranë/ Kush ishte Devi Kasmi dhe konfliktet për drogën
Kasmi rezulton i shpallur në kërkim në vitin 2010 për veprën penale të falsifikimit, pasi ishte dënuar nga gjykata e Pogradecit me 1 vit burg.
Më 2014 ai u hoq nga lista e të shpallurve në kërkim.
Kasmi nuk rezulton të jetë marrë me aktivitete të paligjshme në Shqipëri, por në Spanjë ku ka jetuar për shumë vite.
Dëfrim Kasmi dhe vrasësi i tij Domart Konjari, ishin miq të ngushtë.
Së bashku realizonin trafikun ndërkombëtar të kokainës nga Amerika e Jugut dhe e transportonin drejt Spanjës dhe Francës.
Më pas miqësia mes tyre u prish për shkak të një konflikti ku shkak ishte Franc Konomi.
Ky i fundit u vra në një atentat mafioz në vitin 2010.
Mendohet se grupi i Dëfrim Kasmit ishte prapa ekzekutimit të Franc Konomit.
Për të marrë hak, grupi i Domart Konjarit gjeti vendndodhjen në Spanjë ku po qëndronte Dëfrim (Devi) Kasmi.
Domart Konjari së bashku me një shokun e tij të paidentifikuar tentuan ta vrasnin.
Dy palët u përleshën me njëri-tjetrin dhe Dëfrim Kasmi mundi t’iu merrte pistoletën Konjarit.
Këtë të fundit e la të plagosur, ndërsa mikun e tij e vrau.
Që prej ateherë, ka pasur vazhdimisht hasmëri mes Domart Konjarit dhe Devi Kasmit.
30.01.2018
