Mafia siçiliane “mund” politikën / Qeverisej prej vitesh nga një grua.
Ja kush është “Mbretëresha” e Cosa Nostra-s
Analizë nga Ylli Pata
Mafia siçiliane “mund” politikën
Nuk ka barazi gjinore vetëm në politikë apo në shoqërinë civile.
Kuotat e grave po e respekton edhe krimi i organizuar botëror.
Madje është më përpara pjesës tjetër të shoqërisë.
Mafia më e famshme në botë, Cosa Nostra siçiliane, pas vdekjes së Toto Riinës, ka vendosur në krye të kupolës një grua.
Maria Angela Di Trapani, vajza e një kapomafie dhe gruaja e bosit, Salvino Madonia është mbretëresha e Cosa Nostra-s.
Ky përfundim ka dalë nga një hetim i karabinierëve të koordinuar nga Drejtoria Hetimore Antimafia e Palermos.
Kjo e fundit ka arrestuar 25 persona të akuzuar për lidhje me mafian, gjobëvënie, rrushfet dhe korrupsion.
Të penduarit kanë folur që në të shkuarën për rolin e Mariangela Di Trapani.
Madje gruaja u arrestua në vitiin 2008.
Sipas hetimeve, ajo drejtonte klanet ndërsa burri i saj dergjej në pluri burgimin e përjetshëm.
Pasi u dënua me 8 vjet ajo e mbaroi dënimin.
E bija e bosit Ciçio Di Trapani, motra e një bosi tjetër, Nicola, thirrej me nofkën “a piçiridda”, (vogëlushja).
Përgjimet telefonike
Në një përgjim telefonik, vëllai i flet me butësi:
“Mariangela ka vuajtur shumë.
Madje edhe në shkollë nuk ka shkuar nga dashuria për babain dhe për mua”. “.
Gruaja e Salvinos, vrasësit të biznesmenit Libero Grassi, shfrytëzonte takimet në burg me të shoqin.
Por, edhe me kunetërit Nino dhe Giuseppe.
Krerë të mafia-s, për të mbajtur kontaktet e familjarëve me klanin Resuttana, të drejtuar nga familja Madonia.
Në kohët kur në komandë ishte vjehhri i Mariangela-s, Francesco.
Nga hetimi del edhe roli actual i gruas, e cila ka marrë në dorë kontrollin e klaneve dhe peshën e familjes Madonia.
Ajo është shumë e fuqishme në upolën e Cosa Nostra-s.
Një nga vendimet e rëndësishme të saj ishte ai i eleminimit të regjentit të atëhershëm të klanit të San Lorenzo-s, Giovanni Bonanno.
Mafiozi, përveçse pengonte qeverisjen e Mariangela-s, kishte hapur fjalë që i biri i saj, nuk ka lindur me inseminim artificial.
Por, ishte frut i një tradhëtie.
Një akuzë e tillë, sipas ligjeve të mafia-s, nuk mund të rrinte pa u dënuar.
“Përgjigja që ti duhet t’i japësh Salvos është se ai nuk ekziston më”, i tha Nino Madonia, Mariangela-s.
Kjo e fundit, më pas i transmetoi mesazhin të shoqit.
Bonanno u vra në janarin e vitit 2006.
1 muaj më pas, bosi, Salvatore Lo Piçolo i shkruante në një letër Bernardo Provenzano-s.
Ky i fundit, në atë kohë ishte ende i arratisur.
“Fatkeqësisht nuk pati mënyrë tjetër për të gjetur zgjidhje alternative.
Ndaj morëm këtë vendim të hidhur”.
Mariangela Di Trapani nuk është në fakt bosja e vetme në radhët e Cosa Nostra-s:
Rasti i fundit është ai i Patrizia Messina Denaro.
Motra e bosit të arratisur, Matteo Messina Denaro, e arrestuar në vitin 2013.
Për Lajm Shqip
Ylli PATA
