Kush do t’i numërojë zogjtë përgjatë rrjedhës së lumit të Shkumbinit?!
Kjo, është pyetja që del natyrshëm, kur mëson se ka nisur aksioni për “kartelizimin” e tyre.
Madje nuk emërtohet “numërim”, por “Census”.
Të ngjashme mund të lexoni:
Në brigjet e Shkumbinit zogjtë zëvendësohen nga mbeturinat.
Ky i fundit nuk dha rezultat as në regjistrimin e poipullsisë brenda kufijve pak vite më parë.
Ja që “Censusi” paska vlerë edhe për zogjtë dhe kafshët e pyllit! A
ksioni për këtë inciativë të rëndësishme, sapo ka nisur edhe në Qarkun e Elbasanit.
Fillimisht ai do të përqëndrohet përgjatë rrjedhës së Shkumbinit. Ky “rrugëtim” nis që nga Librazhdi gjer afër Rrogozhinës.
Pas ligjit qeveritar për mbrojtjen e kafshëve dhe të shpendëve, duket se këto gjallesa të pambrojtura, janë shtuar.
Është mjaft pozitive, pasi është duke u pasuruar flora dhe fauna.
Të dyja këto elementë dobiprurës, shfaqen dukshëm në luginat e lumenjve dhe pyjet në periferi apo zonat malore.
Falë ligjit për mbrojtjen e kafshëve dhe shpendëve të egër, duket se janë ndryshkur edhe çiftet e gjahtarëve.
Këta të fundit kanë mbi tre vjet që nuk shkrepin asnjë saçmë, përndryshe ligji do t’i dënontë sikur të godisnin njerëz.
Drejtori i Zonave të Mbrojtura për Qarkun e Elbasanit, Fatmir Brazhda, ka bërë publike iniciativën e tij për “censusin”!
Ndoshta Brazhda ka kohë që nuk ka vizituar dy brigjet e lumit të Shkumbinit.
Është një gjatësi prej afro 50 kilometrash, që nis që nga Librazhdi dhe gjer afër Rrogozhinës.
Ndërsa shtrati i tij tjembushet dhe nuk përmbyt, bukuria është e rrallë.
Kur shtrati ulet, të palarat që kanë hedhur vetë njerëzit, dalin në shesh.
Janë me mijra ‘lecka e qeska plastmasi’, që qëndrojnë të varuara si me dorë nëpër shkurret e brigjeve të lumit.
Këto, jo vetëm nuk ushqejnë shpendët, por i friksojnë ato. Asnjë cicërimë zogu në brigjet e lumit Shkumbin.
E për pasojë, asnjë zog nuk gjen qetësi aty. Kësisoj, përgjatë lumit nuk ke çfarë të numërosh.
Nëse i hyn një mundimi të tillë, i bie që të numërosh mbeturinat prej letre, plastmasi a basmaje, që janë me mijra.
Kësisoj, aksioni në fjalë kërkon një zhvendosje në pyje…
Për lajm-shqip
Alfrida Danushi
