Lulzim Basha refuzon shkarkimin e Zgurit: Shkelje flagrante e Kushtetutës…
Kryetari i opozitës Lulzim Basha hodhi poshtë çdo mundësi për shkarkimin e Kryetarit të KQZ-së Klement Zguri nga mazhoranca. Pyetjes nga media nëse e cenon reformën zgjedhore, shkarkimi i Kryetarit të KQZ-së, Basha iu përgjigj:
“Nuk ka asnjë mundësi kushtetuese që Kryetari i KQZ-së të shkarkohet nga kjo mazhorancë. Çdo hap i tillë do të përbënte një shkelje flagrante të Kushtetutës dhe do të marrë përgjigjen e merituar.”
Të ngjashme mund të lexoni:
I pyetur se cila do të jetë kjo përgjigje,
Lulzim Basha u përgjigj: “Do ta vëreni!”
Po ashtu, ai theksoi qendrimin e palëkundur edhe për zgjedhjen e Prokurorit të Përgjithshëm: “Qëndrimi ynë është i prerë për Prokurorin e Përgjithshëm, është i qartë: Nuk mund ta miratojë Edi Rama, Saimir Tahiri, Qazim Sejdini, Vangjush Dako. Nuk do të pranojmë kurrë ta emërojnë subjektet e hetimit.”
24.11.2017
