Dita e djeshme ka pasur dy zhvillime të rëndësishme, të cilat nuk kanë qenë të rastësishme.
Edi Rama ka firmosur marrëveshjen për kërkimin e naftës në kufi me Greqinë.
Ilir Meta ka kërkuar garanci për negociatat për kufirin detar po me Greqinë.
Të dyja këto akte kanë një rezultante-naftën.
Shkakun e një lufte të madhe gjeopolitike që po zhvillohet prej 10 vjetësh në rajon dhe Europë.
Kompanitë e mëdha botërore kanë zbuluar një “rezervuar” gjigand nafte dhe gazi në Mesdheun Lindor.
Ky rezervuar nis nga Joni deri në brigjet turke të Egjeut.
Tashmë janë profilizuar qartë forcat që po qëndrojnë në terren.
Një nga këta forca është Presidenti i Turqisë, Rexhep Tajip Erdogan.
Vendi i të cilit po ndërmerr një strategji offensive në lidhje me naftën e gazin.
Nga ana tjetër është Greqia.
E cila gjithashtu ka një rol të rëndësishëm gjeopolitik që synon ta shfrytëzojë.
Dje shumëkombëshja ndërkombëtare Shell ka firmosur një marrëveshje në Bllokun 4.
Blloku 4 i lokalizuar në juglindje të vendit kufizohet nga kufiri shtetëror midis Shqipërisë dhe Greqisë.
Është një terren kodrinor-malor dhe maja më e lartë është ajo e Nemërçkës.
Ky bllok është i vetmi ndër 13 që ishin në total për të cilin po finalizohet një marrëveshje.
Kompania Shell është një gjigand botëror dhe ai nuk ka interes të vijë në Shqipëri për gjëra të vogla.
Siç ka ardhur fillimisht për zonën e Shpiragut, ku edhe po të ketë naftë apo gaz.
Ky volum, nuk i përgjigjet standardeve të shumëkombëshes.
Shell futet atëherë kur ka të bëjë me kapacitete shumë të mëdha prodhimi dhe rafinimi të naftës.
Përndryshe ajo nuk futet.
Siç kanë ndodhur deri tani, në Shqipëri kanë hyrë operatorë të vegjël dhe mesatar.
Shell është njëra prej 4 kompanive më të mëdha në botë. Ardhja në Shqipëri, ka padyshim një interes më të madh sesa shpimi dhe shfrytëzimi i disa puseve lokale.
Shell hyn në ato pjesë ku kryen punime që kalojnë kuftijtë e shteteve.
Në zonën e detit Jon, prej kohësh Italia ka nisur shpimet.
Global Petroleum, një prej big-ëve botërore.
Lufta gjeopolitike për Detin, një betejë e madhe për naftën…
Greqia nga ana tjetër, po para dy vjetësh ka bërë gati letrat që një kompani norvegjeze të nisë shpimet.
Pikërisht në zonën pranë Korfuzit.
Shelli pritet gjithashtu që të marrë edhe të drejtën e gazifikimit të TAP-it në Shqipëri.
Pra ta shpërndajë në Mal të Zi, Kosovë, Maqedoni dhe të gjithë rajonin.
Bëhet fjalë për një përplasje gjeopolitike e nivelit shumë të lartë, ku beteja ka dy synime.
Kush merr në dorë menaxhimin e këtij rezervuari të madh në Mesdhe.
Turqia nga ana e saj vetëm para pak ditësh ndaloi Eni-n Italian që të nisë kërkimet në Qipro.
Duke bërë të ditur se Ankaraja do të jetë aktor kryesor në lojë.
Një lojë që duket se përballë Turqisë ka Greqinë, e cila kërkon të dobësojë rivalin e saj.
Deri tani Shell është instaluar në zonën e Shpiragut, ku ka arritur të gjejë një “damar” të rëndësishëm nafte.
Sot po bëhen edhe më të qarta zhvillimet e mëdha që ndodhën gjatë Luftës së Dytë Botërore.
Nuk është rastësi që Benito Musolini, ardhjet më të shpeshta në Shqipëri, i ka pasur në zonën e Shpiragut.
Duket se edhe shpërthimi i Luftës Italo Greke në 1941-shin shkakun real e ka pasur për naftë.
Ylli Pata
21.02.2018
